नारायणी अस्पतालको प्रयोगशालामा थप ३४ जनामा कोरोना पुष्टि

काठमाडौं– नारायणी अस्पतालको प्रयोगशालामा गरिएको परीक्षणमा ३४ जनामा कोरोना संक्रमण पुष्टि भएको छ ।

नारायणी कोरोना विशेष अस्पतालका संयोजक डाक्टर उदयनारायण सिंहका अनुसार थप ३४ जनामा कोरोना संक्रमण पुष्टि भएको छ ।

डा सिंहका अनुसार नयाँ थपिएका संक्रमितहरु मध्ये ११ जना जिल्ला कारागारमा रहेका कैदीबन्दी छन् । यस्तै एकजना सैनिक जवान, एकजना चिकित्सक समेत संक्रमित भएका छन् । अन्य संक्रमित भने कन्ट्याक ट्रेसिङमा परेका व्यक्तिहरु छन् ।

पर्सामा ५ दिनअघि देखि निषेधाज्ञा गरिएको डा सिंहले बताए । निषेधाज्ञा गरिएपछि संक्रमितको संख्या भने बढ्दै गएको छ ।

पर्सामा कोरोना संक्रमित बढेसँगै संक्रमितको व्यवस्थापनमा समस्या देखिन थालेको डा सिंहले बताए ।

डा सिंहका अनुसार हाल नारायणी कोरोना विशेष अस्पतालमा ५९ जना संक्रमितहरु उपचारत छन् । आइसोलेसन अभावका कारण हिजो र आज कोरोना संक्रमण पुष्टि भएका ६० जना भन्दा बढी संक्रमितहरु घरमा नै बस्न बाध्य भएको डा सिंहको भनाइ छ ।

यसमा तपाइको मत

Your email address will not be published. Required fields are marked *


*